martes, 4 de febrero de 2020

CLUB DE LECTURA 6º.

Este curso 2019-20 o alumnado de sexto traballará co libro do autor Antón Cortizas Os Gritos das illas Lobeiras.
Esperamos que esta actividade contribúa a desenvolver o gusto pola lectura no noso alumnado.




Quen é o autor?

Antón Cortizas Amado (Ferrol, 1954), mestre de profesión, é un dos autores máis premiados e traducidos da literatura infantil e xuvenil galega. Deuse a coñecer co relato «A media muller» co que obtivo o Premio Curuxa de Humor de Fene en 1986. Dende entón publicou as seguintes obras: «Memorias dun río» (1988), Premio Barco de Vapor 1988; «Xiganano ¿onde estás?» (1990); «O conto dos sete medos» (1991), Premio Barco de Vapor 1991; «O lapis de Rosalía» (1992) (Xerais 2015); «A bruxa sen curuxa» (1993); «O merlo de ferro» (1995) (Xerais 2013); «Os gritos das illas Lobeiras» (Xerais 2019), Premio Barco de Vapor 1995; «Historias e algún percance todas ditas en romance» (1996); «Leonel» (Xerais 1996); «Contos de vento e de nunca acabar» (1999); «Dominicus o dragón» (2001); «A merla de trapo», Premio Merlín de Literatura Infantil (Xerais 2001); «¡Cázame ese pensamento!» (2001); «O coleccionista de sombras» (2002), «Onde o sol non adormece» (Xerais 2003) e «Vaia tropa!» (Xerais 2011). Como investigador publicou «Chirlosmirlos. Enciclopedia dos xogos populares» (Xerais 2001), «Ao pé da Laxa da Moa. Literatura de tradición oral de Carnota» (Xerais 2010) e «Tastarabás. Enciclopedia de brinquedos tradicionais e uso lúdico da natureza» (Xerais 2013) Premio Rosalía de Castro á Iniciativa Editorial, 2013 e Premio Losada Diéguez de Investigación 2014 . Coa obra «Incrible invento de Solfis, a pianista» (1994) obtivo o Premio da Mostra de Teatro Xeración Nós e con «Xogando con gatos» (Xerais 2015), o Premio Manuel María de Literatura Dramática Infantil, 2014.

Para saber máis sobre o ilustrador, Leandro Lamas podes clicar no seu nome.

domingo, 2 de febrero de 2020

QUEN SALVOU UN CAN. !! CLUB DE LECTURA 5º DE EDUCACIÓN PRIMARIA 2020.


 

AQUÍ ESTAMOS, COMEZANDO O CLUB DE LECTURA  2020!!!

 

 Este ano DA MAN DE ….QUEN SALVA UN CAN!! da escritora galega ÉRICA ESMORÍS.


 PREMIADA  CO PREMIO MERLÍN 2020!!




ÉRICA Esmorís  xa foi premiada CO PREMIO MERLÍN no ano 2015 pola súa obra NENA E O MAR.




Argumento da obra:

QUE FARÍAS POR SALVAR O TEU CAN?

Rai faríao todo. Por amor á súa cadela Nona, Rai lánzase á aventura máis disparatada e, por momentos arriscada, na terra onde os cans falan. Conducido polos cans Brutus Máximus, Matateu von der Lempertaler, Sete e Garlapata, e pola gata Laika (voluntarios da impopular asociación Amigos dos Humanos), Rai terá que atravesar as montañas Xemelgas, cruzar o bosque Escuro, superar o río Inquedo e, o máis importante, descifrar o corazón dos cinco voluntarios.
Aventuras, emoción e humor nunha historia de busca e de sorprendentes achados.
 
 
Moitos/as coñecedes a Érica Esmorís doutras obras , porque na nosa biblioteca contamos con exemplares desta autora.
 
Pero por se acaso, para os/as non a coñecedes aquí deixamos o enlace a súa páxina web, para que poidades leer un pouco sobre a súa vida .
 
 
 
 
 
 
 

jueves, 20 de junio de 2019

martes, 21 de mayo de 2019

Coñecendo a Cajaraville

Chegou o día! Xa coñecemos ao autor de Kusuma.


 Foi unha sesión diferente do club de lectura. Tivemos tempo a escoitar a Héctor e a conversar con el sobre a súa labor como escritor, a súa obra, as personaxes, os valores traballados na súa fábula, etc.




.Logo asinounos exemplares da súa obra.

















Escoitade retallos desta actividade!







Moitas grazas Héctor!

lunes, 20 de mayo de 2019

Hector Cajaraville fálanos de kusuma

O alumnado de 6º A e B, que vén de ler Kusuma e mañá recibe no club de lectura ao autor , Cajaraville, preséntanos e recoméndanos esta obra.

A través deste "booktrailer" fálannos da obra. A vindeira semana contaranvos con outro curto as impresións da visita do autor de KUSUMA.




Xa está Kusuma preparada para voar ata as vosas casas!

lunes, 13 de mayo de 2019

Preparando a visita de Héctor Cajaraville

Xa queda menos para coñecer en persoa ao autor de Kusuma. Imos realizar un "Booktrailer " entre tod@s! Ánimo, aquí deixámosvos unhas mostras para que vexades o que imos facer a semana que vén no club de lectura.
En primeiro lugar botádelle unha ollada ao seguinte video.


Centrádevos no guión , pois o libro xa o temos lido. Lembrade:

  • Amosar o libro á cámara.
  • Nomear autor, ilustrador i editorial.
  • Nomear as personaxes principais.
  • Facer un resumo da trama sen descubrir o final.
  • Dar a vosa opinión sobre o libro para recomendalo.







Boa sorte, traede o guión escrito e a semana que vén gravarémolo!

jueves, 28 de marzo de 2019

Visíta de Ánxela Loureiro

Onte visítou o Club de Lectura dos quintos, Ánxela Loureiro. Autora do libro que están a ler: "Choiva de ras".

Preme e infórmate!








Chegou ao "Xardín do Pastempo" coa guitarra ao lombo e tamén con fantasía, poesía, música e marcha, moita marcha. 

As nenas e nenos do club de lectura da man de Ánxela souberon o que é unha verdadeira choiva de ras.



Que é dentro dun conto un protagonista e un antagonista. Quen é que dentro da marabillosa historia protagonizada pola ra RaMona. 




Mais tamén, guiados pola guitarra de Ánxela, converteron a poesía que enche a historia de Ramona  en pequenas cantigas que a escritora aprendíalles entre explicación e expluicación.


O alumnado gozou dunha sesión diferente do club de lectura que continuará dirixido poe Alejandra, Lucía e Sonia, mestras do equipo da biblioteca. Pero agora que xa coñeceron á autora e a súa obra lerán as aventuras de RaMona cunha ollada diferente.


Para rematar a xornada fixeron preguntas, bailaron é Ánxela asinoulles os seus libros.

Grazas ao alumnado polo entusiasta participación, ás profes que dirixen os clubes de 5ºA e 5º B e sobre todo a Ánxela por compartir o seu tempo con nós.
Parabéns!