domingo, 24 de enero de 2016

NENA E O MAR...

O alumnado de SEXTO comezo o CLUB DE LECTURA 2016  co  libro de ÉRICA ESMORÍS "Nena e o mar".  Esta obra obtivo o premio MERLÍN 2015. Que o disfrutedes...!!!







COMEZA 5º B...

O alumnado de 5º B comezou a ssúa andaina no CLUB DE LECTURA 2016 co libro de MARÍA CANOSA "Druídas". Que o disfrutedes...!!!








lunes, 11 de enero de 2016

Nena e o mar...

Premio Merlín de Literatura Infantil 2015
Porto Balea é unha vila mariñeira na que todos os seus anciáns habitantes perderon a esperanza. Só Otto, o último home novo da vila, segue a saír ao mar a diario mentres deixa a Nena, a súa filla e orfa de nai, ao coidado dos habitantes da vila acantilada. Mais un día Otto non regresa, tras naufragar nos dominios da Illa das Sereas. Dende entón, Nena loitará contra a desidia e cansazo dos seus vellos habitantes e con toda a forza de vontade, o empeño e a valentía que lle collen no seu corpo miúdo, emprenderá nun bote pequeno unha aventura temeraria e fantástica para rescatar ao seu pai.Nena e o mar é unha novela circular e coral, unha aventura de esperanza e valentía, onde todo, absolutamente todo, é posible; mais onde tamén se poden saborear a ritmo pausado todos os ingredientes da vida nunha vila mariñeira e profundar nas historias dos seus vellos mariñeiros.
A escritora fala de seu...
"Nacín nunha calorosa tarde de xullo preto da praia. O sol, o mar e os libros foron, dende o principio, os meus compañeiros de viaxe. 
Amante dos animais, estudei veterinaria e, aínda que exercín uns anos, deseguida cambiei o bisturí polo teclado do ordenador e unha profesión máis creativa.


Traballei nalgunhas das máis importantes produtoras audiovisuais de Galicia, tanto no departamento de desenvolvemento e guión como no de dirección. Como narradora publiquei en Sushi Books as novelas infantís O poder de Amabel (2013), traducida ao castelán, catalán e éuscaros; e Ulises e ascronoamigas (2015). Gañei o Premio Merlín de literatura infantil 2015 coa novela Nena e o mar (Xerais, 2015)."


        Onde se inspirou ÉRICA ESMORÍS para  escribir NENA E O MAR?...
            Imos aprender algo máis...

CAIÓN - A LARACHA  (A CORUÑA)





                   
             MUSEO DO MAR




domingo, 10 de enero de 2016

DRUÍDAS...

      
      Manéxase con solvencia María Canosa nesta  proposta xuvenil pois non é doado harmonizar, nin facer converxer con sutileza, un plano realista -ese que espella a relación entre un avó e a súa neta- con outro marabilloso onde os ecos da tradición druídica focalizan o interese traendo canda si historias fantásticas e lendarias que avivan o ritmo narrativo. Non se esquece, tampouco, reparar  na relevancia que o respecto pola natureza, as crenzas populares e a ciencia, a lectura e a amizade atesouran para aprender, para aprender a resistir.







   Area cre que seu avó fai maxia, que é un dos últimos druídas de Galicia. o avó tiña os sentidos moi desenvolvidos; el dicía que era polos anos, pero a Area continuaba a asombrala. El sempre dicía que pola vida sempre hai que barallar todas as cartas, porque as opcións son moi variadas. Levar os ollos ben abertos é o mellor que se pode facer...


          María Canosa Blanco, nada en Cee o 20 de agosto de 1978, é unha escritora galega de literatura infantil e xuvenil. Filla da escritora Concha Blanco, trasladouse á Coruña desde a súa vila natal para os seus estudos universitarios. Titulouse como Enxeñeira de Camiños, Canais e Portos pola Universidade da Coruña, traballou de enxeñeira e foi a Directora de Proxectos no Centro de Coñecemento da Costa da Morte. Colabora como articulista en La Voz de Galicia, e foi contertulia en varios programas radiofónicos da Radio Galega e Radio Voz. Ocupou o posto de "experta" en letras no concurso Cifras e letras da TVG desde setembro do 2011 ata principios de 2013 cando deixou de emitirse o concurso. Cifras e letras foi substituído polo concurso Verbas van, en que tamén ocupa o posto de experta.



lunes, 25 de mayo de 2015

MARCOS CALVEIRO NO CLUB DE LECTURA...



MARCOS CALVEIRO estivo no noso CLUB DE LECTURA compartindo unha xornada moi, mois especial na que Marcos realizou comentarios sobre os libros traballados nas últimas semanas no CLUB. Por un lado PALABRAS DE AUGAe polo outro O CARTEIRO DE BAGDAD.
"O oitavo día que a lanza fica chantada na terra, Amadou non pode pasar toda a xornada baixo o inclemente solleiro encrequenado cos seus compañeiros arredor dela como aquel primeiro  día. Todos eles teñen que asistir ao consello da tribo para falar de "Palabras de auga". Jambo! Benvidos a todas e todos a este consello do clan dos wataki, do país de Lomba. Hoxe, mulleres e nenos van ter voz nas decisións do noso clan. Todos, despois de ter lido o libro, gañamos o dereito de acudir á reunión..."
Marcos falounos moito máis ca do seu libro: falounos de África, da súa música e os seus bailes, da seca, da loita pola supervivencia, do que une aos nenos de todo o mundo e do que, por desgraza, os separa. E contestou moitas, pero que moitas preguntas....
Un dos momentos máis emocionantes foi cando nos falou do COLTÁN, esa combinación de minerais que se está a converter no ouro negro de século XXI debido á súa utilización na fabricación de teléfonos móbiles, tabletas, consolas, pantallas...O coltán é o mineral que se agocha baixo o enigmático sobrenome das "PEDRAS NEGRAS" no libro

Despois de despedir ao grupo que leu PALABRAS DE AUGA, cambiamos o grupo e o escenario. Trasladámonos a BAGDAD, cideda milenaria para comentar o libro de Marcos O CARTEIRO DE BAGDAD.

“Estamos en Bagdad, a cidade atravesada polo Tigris, a que aparece nos contos d’As mil e unha noites, a que hoxe resiste baixo as bombas, entre o fogo cruzado. A xente vive esculcando o ceo, as escolas pecharon e os cativos xa non xogan na rúa. Alleo a todo, Ibrahim reparte o correo na súa motocicleta. Leva no peto unha misteriosa carta que está decidido a entregar custe o que custe.”

As preguntas e a participación do alumnado foi moi, moi interesante e Marcos explicoulle como foi e como é actualmente a vida nesta cidade onde os balbordos das armas resoan sen cesar. Foi unha experiencia emocionante!!!

domingo, 24 de mayo de 2015

domingo, 25 de enero de 2015

MARCOS CALVEIRO NO CLUB DE LECTURA...

          Arranca de novo este curso 2014/2015, con toda a ilusión,  o CLUB DE LECTURA. Este ano vai adicado ao escritor MARCOS CALVEIRO
         

          MARCOS quixo ser arqueólogo, debuxante de cómics músico e arquitecto pero acabou exercendo de avogado en Vigo. De cativo era pouco falador; prefería observar o mundo e escoitar as historias dos clientes na taberna dos avós. Da súa paisón polas civilizacións afastadas naceu a súa necesidade de escribir e de contar...Moitas son as obras escritas por Marcos das que escollemos dúas para ler no soso CLUB: O CARTEIRO DE BAGDAG, premio ALA DELTA 2007 de literatura infantil, que lerá o alumnado de QUINTO e PALABRAS DE AUGA, premio MERLÍN 2012  de literatura infantil que traballará o alumnado de SEXTO e,  no medio, moitas máis obras e moitos máis premios.

        Na nosa lembranza está Zoe, filla do escritor, que compartiu con todos nós a súa estadía no colexio e a pesares de  que esta foi breve, botámola moito de menos.

         Comezamos o noso CLUB DE LECTURA e esperamos ter pronto a Marcos no noso centro para comentar, para compartir, para sañar...